الشحن والاسترجاع والضمان

التوصيل ومواعيده

• علب المناديل والمنظمات وترابيزات طيف وهلال والمتداخلة: من يوم لـ٣ أيام عمل في القاهرة والجيزة، ومن ٣ لـ٥ أيام عمل في باقي المحافظات.
• باقي قطع الأثاث (الكراسي والكونسولات وباقي الترابيزات والترولي): أسبوع في القاهرة والجيزة، وأسبوعين في باقي المحافظات.
• الميعاد مكتوب على صفحة كل قطعة قبل ما تطلبوا.

مصاريف الشحن

رسم واحد على الأوردر كله حسب نوع القطع. لو الأوردر فيه قطعة أثاث، بيتحسب رسم الأثاث بس.

الدفع والفحص عند الاستلام

• الدفع عند الاستلام في كل مصر: كاش أو كارت للمندوب، بعد ما تفحصوا القطعة.
• وممكن كمان تدفعوا بإنستاباي.
• افتحوا الكرتونة قدام المندوب وافحصوا القطعة قبل ما تدفعوا.
• لو لقيتوا كسر أو عيب واضح، مش لازم تستلموا. كلمونا وقتها.

لو القطعة وصلت فيها مشكلة

• كلمونا خلال ٤٨ ساعة من الاستلام على واتساب 01042087342، بصور للمشكلة ورقم الأوردر.
• بنستبدلها بقطعة سليمة، أو بنرجّع الفلوس كاملة.
• مصاريف الشحن في الحالة دي علينا، مش عليكم.

الاسترجاع خلال ١٤ يوم (تغيير الرأي)

• ليكم ١٤ يوم من الاستلام ترجعوا القطعة لو غيّرتوا رأيكم.
• الشرط: القطعة من غير استخدام، وفي كرتونتها وتغليفها الأصلي.
• مصاريف شحن الإرجاع في الحالة دي على العميل.
• بعد ما القطعة توصلنا ونفحصها، بنرجّع الفلوس خلال ٣–٧ أيام عمل.
• مش بنقدر نقبل: قطعة اتستخدمت، أو اتكسرت أو اتخدشت بعد الاستلام، أو جاية من غير تغليفها الأصلي.

ضمان سنة

• كل قطعة عليها ضمان سنة من تاريخ الاستلام ضد عيوب الصناعة.
• الضمان بيغطي عيوب الصناعة بس. مش بيغطي الكسر أو الخدوش أو أي ضرر من الاستخدام.
• للمطالبة: ابعتوا صور ورقم الأوردر على واتساب 01042087342.

العناية بالأكريليك

• امسحوها بقطعة مايكروفايبر، بمية وصابون خفيف.
• بعيد عن الكحول والكلور ومنظفات الإزاز.
• بعيد عن الأسطح السخنة جدًا.

إزاي تطلبوا استبدال أو استرجاع

1. ابعتوا رقم الأوردر وصور القطعة على واتساب 01042087342، أو على hello@hanayahome.com.
2. بنرد عليكم بالخطوة الجاية: استبدال أو استرجاع، وطريقة استلام القطعة منكم.
3. في الاسترجاع: بعد ما القطعة توصلنا ونفحصها، بنرجّع الفلوس خلال ٣–٧ أيام عمل.